მათთვის, ვისაც 80-იანების ნოსტალგია შემოგაწვათ, ცნობილი კომედიის, „მოგზაურობა ამერიკაშის“ მეორე ნაწილის, გადაღების ამბავი დანამდვილებით გაგახარებთ. სურათის დასახელება „Coming 2 America“ იქენბა და გავრცელებული ინფორმაციით, ფილმში უესლი სნაიპსი მიიღებს მონაწილეობას. ასევე, ირკვევა, რომ პრინც აკიმს კვლავ ედი მერფი განასახიერებს, ხოლო მისი მარჯვენა ხელის, სემის როლის შემსრულებელი არსენიო ჰოლი იქნება. ამასთან, სასიხარულოა ის ფაქტი, რომ ფილმის სამსახიობო გუნდს ჯეიმს ერლ ჯოუნსი დაემატება, რომელიც აკიმის მამის, მეგე ჯაფას როლით დაბრუნდება.
რამოდენიმე წყაროზე დაყრდნოთ, თამამად შეგვიძლია ვთქვათ, რომ ჯეიმს ერლ ჯოუნსი აუცილებად მიიღებს მონაწილეობას ფილმის გაგრძელებაში. მსახიობმა უკანასკნელად მონაწილეობა მიიღო დისნეის ახალ ჰიტსში, „მეფე ლომში“, სადაც საკუთარი ხმა პრაიმის ლიდერს, მუფასას მოარგო. სამსახიობო გუნდს, ასევე დაემატება ლესლი ჯოუნსი, რომელსაც ფილმის სიკველში ჯერ-ჯერობით კონკრეტული როლი არ გააჩნია. აკიმის ქალიშვილის განასახიერებს კიკი ლეინსი, ხოლო ოჰას როლში პოლ ბეიტსი დაბრუნდება. ასევე, „გემის ბორტზე“ რიკ როსიც ამოვიდა, თუმცა ჯერ-ჯერობით უცნობი როლით.
ორიგინალმა ფილმმა, რომლის რეჟისორის სკამს ჯონ ლენდისი იკავებდა, 1988 წელს დიდ წარმატებსა მიაღწია და ჯამში 288 მილიონი აშშ დოლარი მოაგროვა. ფილმის გადაღება მომავალი თვიდან დაიწყება და მისი პრემიერა 2020 წლის 18 დეკემბერს არის დაგეგმილი.
