And Then We Danced სარაევოს კინოფესტივალის საკონკურსო პროგრამაშია

სარაევოს 25-ე კინოფესტივალმა საკონკურსო სექციაში მონაწილე ფილმების სია გამოაქვეყნა, სადაც შვედურ-ქართული კოპროდუქცია And Then We Danced-იც მოხვდა.

ფესტივალი 16-23 აგვისტოს გაიმართება. ორ საკონკურსო სექციაში, დოკუმენტურსა და მხატვრულში, ცხრა მსოფლიო პრემიერა შედგება.

ლევან აკინის ფილმი ასევე ოდესის კინოფესტივალის მთავარ საკონკურსო პროგრამაში მოხვდა და თერთმეტ სხვა ფილმთან ერთად იბრძოლებს მთავარი პრიზის მოსაპოვებლად.

შვედურ-ქართული ფილმის პრემიერა კანის საერთაშორისო კინოფესტივალზე სექციაში Director’s Fortnight შედგა და კრიტიკოსებისა, თუ მაყურებლის დიდი მოწონება დაიმსახურა.

ღსანიშნავია, რომ სურათი, ლევან გელბახიანისა და ბაჩი ვალიშვილის მონაწილეობით, კანის ფესტივალის განმავლობაში ნაჩვენებ ფილმებს შორის კინოკრიტიკოსთა შეფასებშიც ერთ-ერთი მოწინავეა და საუკეთსო ათეულში შედის. ამით ის უსწრებს ისეთი რეჟისორების ნამუშერებს, როგორებიცაა კვენტინ ტარანტინო, კენ ლოუჩი და სხვები.

გარდა ამისა, ქართულ-შვედური ფილმის And Then We Danced-ის ჩვენების უფლება უკვე 20-ზე მეტმა ქვეყანამ შეიძინა.

რაც შეეხება მთავარი როლის შემსრულებელ ლევან გელბხიანს, ის ჯერ ამერიკულმა ჟურნალმა შეიყვანა კანის 15 ვარსკვლავს შორის, შემდეგ კი ერთ-ერთმა ფრანგულმა გამოცემამ ფესტივალის აღმოჩენად დაასახელა.